شدّ حيلك وان شاء الله بيثبتوك

شدّ حيلك وإن شاء الله بيثبتوك

أنا متأكد انه كل واحد منكم مرّ عليه موقف زي هادا: (كنت بتشتغل بنظام عقد في مؤسسة ما، وقرّب عقدك يخلص مدته. بيجي واحد صاحب صارلك كثييييييير ما شفته وبيقولك: وين بتشتغل؟ بتقوله في المؤسسة الفلانية، بيقولك: مثبت؟؟، بتقوله: لا والله، عقد، بيقولك: وقديش ضايلك فيه؟ بتقوله: يعني، حوالي شهر، – انت لحتى الان الموضوع عادي، انت متقبل فكرة انه عقدك راح يخلص كمان شهر لأنك مقتنع انك استفدت معرفة وخبرة جديدة، وانه راح تحاول وتقدم في اماكن اخرى وتبحث عن عمل وربنا راح يوفقك إن شاء الله- بيجي هو –مش هاين عليه- بيصير يقولك: والله انا باعرف انك بتتعب في شغلك، والله ما عندهم حيا ولا دم، اي يثبتوك، هم راح يلاقوا احسن منك يعني، انا عارف على هالبلد، يلا شد حيلك وان شاء الله بيثبتوك.

هو من وجهة نظره انه واساك في مأساتك وخفف عنك همومك. يا عمي والله انا الحمد لله راضي بقضاء الله وقدره ومقتنع انه الأرزاق بيد الله واحنا علينا نسعى ونحاول وبس (وانت بتكون مبسوط)، وهو مصرّ انه انت هلقيت لازم تكون حزين ومهموم ومش طايق نفسك والله اعلم بحالك وهو بيحاول يخفف عنك.

يا عمي، امااااااااااااانة، بطلوها هالعادة، يا بترفع معنوياته وبتدور له على شغل تاني، يا بتسكت وياااااااااااا ريت بلاش كلمة ” شد حيلك وان شاء الله بيثبتوك” –وهادي اللي بيشتغل بطالة في الوكالة خصوصا بيسمع هادي الكلمة عشرتعشر مرة- وبعد ما تشد حيلك لغاية ما يقرب ينقطع بتكتشف انه الموضوع مش هيك هههههه.

على فكرة، وعلى هادا الموقف وقيس، راح تلاقي في حياتك مواقف كثيرة انت متقبل وراضي بما قسم الله لك والناس مش راضية مع انه ما دخلها في الموضوع، ويمكن تكتشف انك كنت تعمل هيك اشي مع ناس تانيين، فاحذر هههههه.

وسيبك من الناس هادي وعيش حياتك🙂

5 thoughts on “شدّ حيلك وان شاء الله بيثبتوك

  1. ameer h. anan قال:

    فعلاً والله شد حيلك ,أكنو حيلك فاكك مثلا
    دعاء الموسم :الله يثبتك

  2. islam hosary قال:

    هههههه والله أضحكتنى لما شفت العنوان فقط وشجعتنى أكتب عن حالنا أحنا يعنى فيك تقول إنك أنت احسن من غيرك فى الوقت الى فى غيرك أحسن منك فيه شو بدنا نساوى بعين الله نحنا عم نتخرج ونتطوع ونقعد سنتين ع هرى ونحتان وبالاخر شهادة خبرة ما بتشتغل فيها حسبنا الله ونعم الوكيل

  3. صح / نحن نحتاج لرفع المعنويات شوي !!

    أول زيارة لن تكون الأخيرة

  4. Duaamonzir قال:

    المشكلة الاكبر لما صاحب العمل يضل يقلك شد حيلك بركي نثبتك
    وبالاخر عبث

  5. Ebtesam Saleh قال:

    Big Like ^_^

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s